Kirkjubæjarstofa

Kirkjubæjarstofa, þekkingarsetur er rannsóknar- og fræðasetur á sviði náttúrufars, sögu og menningar. Nemendur geta fengið aðstöðu til að stunda nám á Kirkjubæjarstofu og þar er Fræðslunet Suðurlands með aðstöðu fyrir staðnám eða fjarnám. 

Nokkrir sjálfstætt starfandi einstaklingar vinna að verkefnum sínum á Kirkjubæjarstofu en þar er líka skrifstofuaðstaða fyrir starfsmenn: Ráðgjafarmiðstöðvar landbúnaðarins, Bændabókhaldið, Náttúrustofu Suðausturlands og fleiri.

Skrifstofa Skaftárhrepps flutti árið 2021 í húsnæði Kirkjubæjarstofu, þekkingarseturs að Klausturvegi 4, 3.hæð.  Sveitarstjórn og nefndir Skaftárhrepps funda á Kirkjubæjarstofu og er öllum velkomið að hafa samband ef þeir vilja leigja fundaraðstöðuna. 

Inngangur á Kirkjubæjarstofu er austast í húsinu, þar sem áður var gengið inn í íbúðirnar. Gott aðgengi er að húsnæðinu, lyfta á jarðhæð og næg bílastæði.

Forstöðumaður Kirkjubæjarstofu, þekkingarseturs er Katrín Gunnarsdóttir, sími 487-4645; netfang: kbstofa@kbstofa.is

Netfang: kbstofa@simnet.is  eða ag@klaustur.is 

Fréttir af starfsemi Kirkjubæjarstofu, þekkingarseturs birtast á facebook síðunni: https://www.facebook.com/kbstofa

Starfsemi á Kirkjubæjarstofu hefur verið af ýmsu tagi og mörg verkefni verið unnin í nafni stofnunarinnar frá því hún var stofnuð 1997. Kirkjubæjarstofa starfar samkvæmt skipulagsskrá frá 2015. Verkefni Kirkjubæjarstofu hafa vakið athygli og árið 2019 fékk Kirkjubæjarstofa Mennigngarverðlaun Samtaka sunnlenskra sveitarfélaga. Tilnefninguna má lesa hér og grein um afhendingu verðlaunanna hér til hliðar.